توب العفاف...........

من طرف sandrilla الإثنين 29 سبتمبر 2008, 4:24 pm

تــوب العفــاف

الأنوثـة مش مــجرد
حبة أحمـر عـ الشفايف
الانوثـة مش في انك
تهوِسي عقل اللي شايف
الأنوثـة نعمه غالــية
ربنا اللي اداها لــيكي
و بايديكـي تحفظيها
أو تضيع من بين ايديكي
*******
كل شيء في الدنيا لـما
بيـــــداروه بيزيد جمال
و العفـاف للبنت يغلب
أي شــــكل و أي مال
هو أحسن من عيونــهم
تاخدي نظرة الاحترام
ولا تاخدي سهم جـارح
اسمـــه نظرات الحرام؟
*******
الزهور بتكون جمــــيلة
طول ما لسّه الشوك حاميها
بس لو يوم شوكها سابــها
ألـــــــف ايـــد تتمد ليها
هو أحسن ترضي ربك
ولا ترضي الناس بحالها؟
هو ايـــــه للبنت يشفع
شكلها ولاّ عـــــملها؟
دا الجمال في الجسم زايل
انتي شفتيـه دام لمين؟
و الجمال في الروح بيفضل
مهمـا بتعـدّي السنيـن
*******
سيرة البنت العفـيفة
هى أحـــسن شيء يدوم
حبرها مكتوب بدينـــــها
مش بمكيـــاج أو هـدوم
انسي مكيـاجك وسيبي
نــور إلهك يملى وشّـك
بدلّي مـرايتك بقــــلبك
مستـحيل قلبـك يغشّـك
*******
انتي أجمل ألف مــــــرة
لو جمالك جوّة قلــــبك
مش مهم الخلق ترضــى
المهم ترضي ربـــــــك
هو إيه في الكون دا يغلب
لو الـه الكـون دا حبّـك؟؟؟
*****
--منقووووووووووووووووووووووول

من طرف dr_amoul الإثنين 29 سبتمبر 2008, 5:03 pm

ايه الجمال دا يا سومه اكيد والله عفاف البنت وحيائها هو افضل شئ بس يا ريت الرجاله ترجع رجاله ووالله يا بنتي انثوثه البنات ودلعها هيرجع هو كمان

من طرف **dr:sniper** الإثنين 29 سبتمبر 2008, 7:11 pm

يا ادى النيله على الرجاله وسنينها
كل ما واحده تيجى تتكلم ولا ترد يا ريت الرجاله ترجع رجاله
يعنى يا جماعه لو شايفين حاجه انا مش شايفها يا ريت تنبهونا

من طرف dr_amoul الإثنين 29 سبتمبر 2008, 8:32 pm

انا ممكن ارد وانبهك للي انت مش شايفه
كام مره كنت راكب مواصلات وبنت ركبت وراجل قام وقعدها؟
كام مره شفت بنت بتتعاكس وهي لبسه كويس وماشيه كويس ؟
كام مره شفت ولد بيحرج بنت وان كانوا زمايل؟
كام مره وكام مره انا ممكن اضربلك 100 مثال كل دا وبتقول لو انك مش شايف
فين راحت الشهامه والمرؤه والرجاله اللي سهل الاعتماد عليها

توب العفاف...........

توب العفاف...........

رد: توب العفاف...........

رد: توب العفاف...........

رد: توب العفاف...........