مقارنه بين البنات والولاد

اولا انا مش عارف المقارنه دى على اساس ايه
مثلا ان كل الشباب تيبيكال
ولاكل البنات شبه بعض على العموم تعالو شوفوا
المقارنه العجيبه دى

sandrilla كتب:
المقارنه الاولى

بالنسبه للفتاه
لو شافت مره واحد لاول مره واعجبت بيه تبصله من تحت لتحت عشان ميتفضحشى امرها والناس تتكلم عليها

اما بالنسبه للولد
لو شاف واحده لاول مره واعجب بيها يلف وشه 360 درجه وتلاقى يا عينى نص سكان المنطقه عرفو هو بيبص ليه ويتفضح امره والناس تتكلم عليه

يا حراااااااااام وده من ايه
نو كومنت

sandrilla كتب:

المقارنه الثانيه

بالسبه للفتاه
لو لقت قط غريب فى البيت بتروحله وتطبطب عليه وبتاخده تاكله وتروح للباب تحطه بره وتغنيله اسفه لاصاله والسبب ان ابوها مش بيحب القطط فى البيت
وتعد القط انها هدخله غدا والمسكين يستنى لبكره ويبات فى البرد


بالنسبه للولد
فامبيصدقشى نفسه لما يلاقى قط فى البيت بيتخيل نفسه زين الدين زيدان
ويسدد ضربه حره وفجاه يجد القط نفسه مسدد به خارج النافذه وهو طاير بيقوله منك لله يا شيخ لحد ما يعتر فى صندوق زباله تاخده(شايفين القسوة )

ازاى يعنى دا الحديث بتوع كى جى ون حفظينه

قال رسول الله (ص) دخلت إمرأة النار فى هرة حبستها فلا هى اطعمتها او تركته تأكل من خشاش الارض


وطبعا الكل يعلم قصة الشيخ والكلب عندما سقاه فى بإحدى نعليه

sandrilla كتب:



المقارنه الثالثه

بالنسبه للفتاه
حين يجد مرعب النساء فى المنزل طبعا كلنا عارفينه ( الصرصور ) تصرخ جامد اكنها بتلحن سيمفونيه بتهوفن من جديد وتجرى تجيب المبيد وتجرى على الصرصور وتقوله حتموت يعنى حتموت والله لاموتك والصرصور بيضحك على خفه دمها لحد ما ابوها يجى وينزل عليه بالقباب (شايفين الرقة مش بتقدر حتي تموت الصرصور)

بالنسبه للولد
بيتغر فى نفسه بقا ويقول للصرصور جيتلى لوحدك محدش جابك يعمل فيها بقا رامبو ويصطاد الصرصور ويقطع رجله الاولى ويقوله
بابا فين
الرجل التانيه : ماما فين
الرجل التالته : اخواتك فين
الرجل الرابعه : ساكن فين
بكده يكون تمت عمليه التعذيب ومازال الصرصور حيا
يسيبه صاحى مشلول من غير ارجل عشان يبقى عبره للى هيجى البيت من شله الانس والفرفشه شله مرعبين النساء (ياعيني عليك ياصرصور ايه اللي وقعك في قساة القلوب دول )

مين مرعب النساء دا انتوا بتعملوا عليهم شوربه فى المدينه


وهحطلكم طريقة الاعداد

ان شاء الله

sandrilla كتب:

المقارنه الرابعه

خناقه بين بنتين ما بنسمعشى الا ..؟؟؟؟؟

انتى حماره
انتى اللى ستين حماره
الزمى حدودك انتى اللى ستميه وستين حماره
ياااه انتى جريئه اوى انتى اللى ست الاف ستميه وستين حماره
لحد ما يوصلو للعد 6666666666666666666666666 من الحمير ( مش بيعرفوا يتخانقوا مش زي الناس التانية )
اما بين الاولاد فا عينك ما تشوف الا النور الضرب تحت الحزام
وبعد الخصام يحلى السلام

طيب انا عارف ان فيه شباب اخلاقهم افسد من كده وبيقولوا كلام اكتر من كده
بس والله العظيم افظع الفاظ سمعتها فى حياتى ومش هنساها كانت من ام لبنتها فى شارع فى طنطا
وربنا حليم ستار

اولا جالكم اللي مبيرحمش

والصور بتتكلم عن نفسها
واللي خايف يروووح



بالنسبه للموضوع جامد بس ابدأوا خافوا علي نفسكوا
بعد الموضوع دا


وندخل في الموضوع

بالنسبه للاعجاب طبعا معروف عن البنات بالتردد الفظيع فدا طبيعي يعملوا كدا
وبعدين الرجاله دايما ديركت مبيحبوش الف والدوران هاه اللف والدورا
زي اخواتنا الاعداء

بالنسبه للقطط فبرده معروف عن القطط انها غداره ويابخت من وفق راسين في الحلال والحدق يفهم
(والطيور علي اشكالها تقع )تقع ولا متقعش
وطبعا الرجاله اكيد اكيد مليون في الميه هايعملوا كدا في القطط
وانا لو اطحطيت في الموقف دا هاعذبه الاول وبعدين
افكلر هاعذبه تاني ازاي وبعدين اسيبه يلاقي حتفه
قصدي مصيره........

بالنسبه لعمو الصرصار دا اللي عاملنا فيها شجيع السيما وكل شويه يطلع يبهدلنا ويدخل
البلاعه تاني دا لازم يبقي ياويله وياسواد ليله عشان طبعا الرجاله بيحبوا المواجهه
مش تعجب بيه وتبصله من تحت لتحت(اوعي حد يفهمني غلط)

اخر حاجه بالنسبه للخناقات لازم البنت تعمل كدا ودا دليل علي ضعف موقفها
وبعدين مش شايفين الراجل اللي فوق دا عامل ازاي عايزين واحد
زي دا يقول ياحمار بزمتكم

......................................
والي لقاء اخر في معركه اخري
حضر الدبابه يابني
......