يوميات صعيدى بيحب بنت ستايل

من طرف Dr. Jo MaNjY الثلاثاء 02 ديسمبر 2008, 4:22 pm

ازيكوااا يا حبايبي
النهارده جايبلكوا قصه لذيذه جدا من أكتر من حلقه هاحط حلقتين ف اليوم انشاء الله ف نفس الموضوع وعايز اعرف اراءكم بعد كل حلقه

يـومــــيـات صـــعـيـدى بـيـحـــب بـنـــت اســــــتـايـل

وهايكون معانا فى القصه

الصعيدى : أحـمــــــــد

البنت الاستايل : نــــور

يلا نبدأأ

احمد: لو سمحتي حضرتك...ممكن براية
نور: ههههههههههههههههههههههههههه
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري ... يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...وبجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت وماعرفتش ترد على احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية

احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: هههههههههههههههههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

عاوزين تعرفوا اليوم اللي بعده حصل في ايه

تابعوا معايا بقى قصة حب احمد الصعيدي ونور البنت الاستايل

من طرف PRINCESS OF THE MOON الأربعاء 03 ديسمبر 2008, 12:29 am

كمل بقي القصه انت بعد ما شديتنا للموضوع بتعلقنا يعني
موضوع جميل كمل

من طرف Dr. Jo MaNjY الأربعاء 03 ديسمبر 2008, 1:45 am

الحلقه التانيه

وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها

وتعالوا نشوف الايام والحياة الجامعية هتعمل ايه في احمد وهيتعامل معاها ازاي
كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا جامدين

احمد: ديب ديب ديب انتوا يا ناس يللي هنا...افتحوا الباب
الساعي : يا فتاح يا عليم يا رزاق يا كريم
احمد: ماترش ميا يا راجل قصاد المدرج عشان تستفتح
الساعي:يا كابتن المحاضرة لسة الساعة 8 مفيش دخول دلوقت
احمد:هدخل يعني هدخل..عليا النعمة هدخل هاااا
الساعي: قفل الباب في وشه ودخل جوا
احمد : يا ابن الدزمة انت هتضيع عليا المحاضرة شكلك
احمد: اما اروح اجيب كوباية شاي سخن مولع
الراجل: تؤمر بأيه يا فندم
احمد : شاي خمسينة بنعناع
الراجل: ايه ايه...مفيش نعناع
احمد: ومفيش نعناع ليه
الراجل : هو كده مفيش نعناع على الشاي ..النعناع لوحده
احمد :طيب هات نص كوباية شاي ونص كوباية نعناع
الراجل: خد فلوسك اهي
احمد:طب والشاي ابو نعناع فين
الراجل:اوووف
احمد:اوووف على دماغك...ابن دزمة صحيح

كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب
نور :وطي صوتك من فضلك انا بتكلم بهدوء وبأدب
احمد:هي دي طريجتي..عاجبك ولا مش عجباك
نور:طيب انا مش هقوم
احمد: هروح للعميد يجي يقومك
نور:ههههههههههههههههههه
احمد:بتضحكي على ايه يا باردة
نور: لم نفسك
احمد: شايفاني مبعتر في الارض ولا اييييييييه
نور: مش هتحضر...هههههههههههههه
احمد :عليا الطلاج لأحضر غصب عنك وعن عين اهلك....

وفجأة سمع صوت الدكتور بيناديله

ونكمل الحلقة الجاية ان شاء الله

أكمــل ولا لأ
يوميات صعيدى بيحب بنت ستايل SSig_lol

عايز ردود أكتر والا مش هكمل

من طرف sosty_honeygirl الأربعاء 03 ديسمبر 2008, 10:53 pm

القصة حلوة اوي ومتابعين معاك يادكتور ان شاء الله

من طرف Dr. Jo MaNjY الأربعاء 03 ديسمبر 2008, 11:06 pm

يالا بسرعه على الحلقه التالته

وقف الدكتور بكل ثقة...وبص على الطلبة كلهم

من بين كل الطلبة وقعت عينه على احمد وهو مكشر

الدكتور:مالك يابني مكشر من اول السنة ليه كده

احمد :لو سمحت معاك نمرة محمول العميد

الدكتور : ههههههههههه ايوة ليه

احمد : عاوز اقدم شكوى في البت دي

نور :متقولش بت

احمد :هجول بت وستين بت كمان قومي يلا

الدكتور : بس بقى اخرس شوية يا اما هطردك

احمد : انا ...تطردني ليييييييه هاتلي مكان سعادتك

الدكتور : تعالى اعد جنبي هنا على الكرسي ده

احمد : وااه...اجعد جنبك مرة واحدة يا داكتووور

الدكتور :ايوة تعالى

وهو نازل راح وقع الكتاب بتاع نور ورمى اقلامها

راحت نور ضربته على ضهره..قال ااااااااااااه

وصوته سمع المدرج كله والكل فضل يضحك عليه

الدكتور : اطلع برا يلا...مش هتخضر المحاضرة

احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس

وهو خارج رمى عينه على نور ولمح فيها نظرة عطف جميلة

بعد ما المحاضرة انتهت...نور خرجت لأ حمد

نور :بجد انا اسفة اوووي

احمد : على ايه بقى ما المحاضرة خلاص

نور : خد المحاضرة بتاعتي انقلها وانا هستناك

احمد : بجد بتتكلمي بجد

نور : ايوة مع انهم اكتر من عشر صفحات بس هستناك

احمد : متشكر يا مازمازيل نورة

نور : لأ قول نور بس احنا اصدقاء وابتسمت ومشيت

احمد عمال ينقل وعمال يقول في سره...خطها زي الزفت

بس شكلها طيبة جوي....الخط مش كل حاجة في الانسان يعني

احمد لمح نور وهي جاية وبتبتسم بخجل

ووووووونكمل الحلقة اللي جاية

من طرف sosty_honeygirl الخميس 04 ديسمبر 2008, 1:28 am

كمل يادكتور متابعين معاك

الحلقة جميلة جدااا

من طرف dr_amoul الخميس 04 ديسمبر 2008, 11:13 pm

اكمل بجد جميله جدااااااااااااااااا واحنا متابعين معاك

من طرف **dr:sniper** الجمعة 05 ديسمبر 2008, 12:05 am

كمل يا هيما
مستنين احمد و منى

قصدى نووووووووورر

ياريت تنزل كل نص ساعه حلقه

ولا ايه رايكم يا جماعه

من طرف Dr. Jo MaNjY الجمعة 05 ديسمبر 2008, 2:11 am

الحلقه الرابعه
بعد ما الدكتور طرد احمد من المحاضرة بسبب نور

وخرج زعلان خالص ونور صالحته وقالتله خد المحاضرة انقلها

واثناء ما كان بينقلها وبيقول خطها وحش بس هي طيبة كانت هي جاية بتبتسم

نور : احمد انت خلصت المحاضرة

احمد : لأ لسة انا في اول صفحة مش عارف اجرا الكلمة دي

نور قرتله الكلمة

نور : اوكي كمل انا هستناك

احمد :لا لا انتي لازم تروحي دلوقتي عشان انتي اتأخرتي خالص

نور : طيب والمحاضرة

احمد : تتحرج المحاضرة

نور ضحكت ضحكة رقيقة جدا حركت قلب احمد الاسد

احمد : ممكن اوصلك لحد الباب...والله لحد الباب بس

نور : اوكي اوكي مفيهاش حاجة اتفضل

احمد : انتي في الجامعة هنا من امتى

نور :ايه يا احمد انا في سنك لسة اول سنة

احمد : انا عارف انا عارف

احمد : وياترى دخلتي هنا واسطة ولا ايه

نور : هههههههههههههههههه ...احمد مالك في ايه

احمد : لا بهرج معاكي

نور : تعرف انك

احمد :اني ايه

نور : طيب اوووي

احمد : وانتي انسانة محترمة اه فعلا محترمة بجد

نور : ميرسي

احمد :يالهوي ياني انا منجلتش المحاضرة بتاعت النهاردة

نور : ميرسي يا احمد على التوصيلة الجميلة دي منك

احمد : انتي رايحة فييييييييييييييييين

المحاضرة

المحاضرة

المحاضرة

وووووووواشوفكم الحلقة الجاية ان شاء الله ومع يوم جديد من ايام الجامعة

واحمد ونووووور

من طرف Merooo الجمعة 05 ديسمبر 2008, 3:47 am

حلوه اوي اوي يا دكتور
شكرا ليك
بس انا عاوزه اعرف ايه اللي حصل بسرعه ؟؟؟

من طرف sandrilla الجمعة 05 ديسمبر 2008, 1:58 pm

هههههههههههههههههههه بجد تحفه
يلا يادكتور كمل عايزين الباقي بسرع خالص اوي جدا هههههههه

من طرف koky_2008 الجمعة 05 ديسمبر 2008, 7:46 pm

ههههههههههههههههههههههههههههههههه شكرا حلوة بجد

من طرف PRINCESS OF THE MOON الجمعة 05 ديسمبر 2008, 9:08 pm

بقولك اي يا دكتر ما تخلصنا وتنزلها فيلم مره واحده
بدل المسلسل اللي موش عارفين حلجاته كام

من طرف dr_amoul السبت 06 ديسمبر 2008, 12:44 am

يلا يا دكتور كمل ويا ريت فعلا ما تتاخرش علينا

من طرف Dr. Jo MaNjY السبت 06 ديسمبر 2008, 1:47 am

أنا هو دا اللى عاوزه
نعمل شغل كده فى المنتدى
ردود أكتر وأكتر كفايه التجمع الجميل دا اللى بيبقى كل يوم
ونفسى الموضوعات كلها تكون نشطه وعلى طول
كل سنه وانتو طيبين والحلقات كتييييييييييير بس تابعونى

من طرف Dr. Jo MaNjY السبت 06 ديسمبر 2008, 2:13 am

الحلقه الخامسه

وابتدي يوم جديد وا تقبلوا الأتنين الصبح

احمد:اذيك يا نور

واحد صاحب نور سلم عليها وهو واقف

احمد: امشي يا ابن الداموسة

صاحب نور:متلم نفسك يا ابني انتا

نور: خلاص يا تامر

احمد:وكمان اسمك تامر يا فرفور

صاحب نور مشي وبعدها

احمد:انتي بتسعبطيني

نور:عادي واحد صاحبي وبيسلم عليا

احمد: ومش عيب تسلمي علي واحد وانا واقف

نور:والكلام ده من منطق ايه

احمد: من منطق انك واقفة مع واحد محترم

المحاضرة ابتدت

الدكتور دخل وبدأ يشرح المحاضر

وواحده كانت جنب احمد وهو بيكتب الألم بتاعها جه علي الجاكته بتاعت احمد فا ال حبر جه علي الجاكته

احمد:ايه يا أنسة مش تحطي المك جنبك بدل ما انا ال اضربك با الألم علي وشك

الدكتور : انزل اخسلها علشان مضيعش وقت المحاضرة

احمد: ليه هو انا بلعب

نزل يغسل ال الجاكته

وطلع المحاضرة لقاهم خلصوا

احمد:ايوة قولوا كده كنتوا بتنزلوني علشان مكملش المحاضر

نور: قالت له انا نقلت المحاضرة كا العادة

وكان الورق صغير فا نور استنت احمد لما يخلصة وخلصة ومشي وسبها علشان يروح

وخلص اليوم

قولوا رأيكم فيه

من طرف koky_2008 السبت 06 ديسمبر 2008, 3:51 pm

حلوة اوى احمد دة مشكلة

من طرف silentlove السبت 06 ديسمبر 2008, 5:20 pm

جميل جدا يا معلم

منتظرين الباقى

ممكن تخلى أحمد مهند

هسان تبقى نور ومهند

من طرف PRINCESS OF THE MOON السبت 06 ديسمبر 2008, 9:03 pm

ععلي فكره احمد ده بيفكرني
بحكاوي دكتور احمد الكرداسي

من طرف Dr. Jo MaNjY السبت 06 ديسمبر 2008, 10:21 pm

اه زى ما قال على زميله
رص العضم على الطرابيزات وقاله

قولى مووووووف

من طرف dr_amoul السبت 06 ديسمبر 2008, 11:32 pm

جميل جدا اكمل بس انا مش فاهمه هو ليه يشبه الكرداسي علي فكره من محبين الكرداسي

من طرف sosty_honeygirl الأحد 07 ديسمبر 2008, 1:44 am

كمل يادكتور متابعينك لما اجرب دكتور احمد الكرداسى هبقى اقولكم رايي شبهه ولالا

من طرف ma7moud amer الأحد 07 ديسمبر 2008, 2:33 am

انا الحمد لله حضرتله مرة واحدة وكان تمااااااااااااااااااام .......... بس اية المسلسل الجامد دا يا هيما بجد موضوع جامد جدا الموضوع شيق خلانى اتشدلة على طول من اول ما قريتة عايزينك بقى تمتعنا بالحلقات الجديدة هههههههههههه

من طرف Dr. Jo MaNjY الأحد 07 ديسمبر 2008, 5:15 pm

الحلقه السادسه

احمد دخل لقى اتنين اعدين مكانه هو ونور

دي كانت نهاية الحلقة اللي فاتت يا شباب

ويارب الحلقة دي تعجبكم ومطولهلكم شوية اى خدمه عدوا الجمااااااايل بس

احمد : ايه يا كابتن انت وهو انا حاجز المكان ده من بدري

انت حاجز صالة ولا بلكون

احمد : لأ حاجز حمام يا خفيف

هو انت فاكرني شاي ولا ايه

احمد : ايوة شاي ومتاخدش في ايدي غلوة كمان

انت باين عليك متعرفش الكابو هيثم

احمد : وانت باين عليك متعرفش احمد ابن عم هريدي عمدة القرية

ههههههههههههههههههههههههههه

احمد : بتضحك على ايه يا ابن الدذمة

ودخل احمد في عراك وكأنه عراك بين الديوك ونور مش عارفة تعمل ايه
غير انها جابت النوت بوك بتاعها وفضلت تضرب مع احمد

احمد : اي اي ايه يا نور دي دماغي انا
نور : سوري يا احمد مكنش قصدي بجد
احمد : اخرجي انتي برا وايه الجلم الرصاص اللي بتضربي بيه ده
نور : انا لازم اموته لازم اكسره

وفجأة

دخل الدكتوووووووووور

الدكتور : في ايه يا ابني انت وهي وهو

احمد : هجطعه

الدكتور : تقطع مين يابني ...احنا في جامعة

احمد : جامعة مش جامعة هجطعه

نور : ايوة احنا هنجطعه

الدكتور : تعالوا برا انت وهي

احمد : لأ والنبي يا داكتور الجو ساجعة برا جوي

الدكتور : اطلع بقولك

نور : يلا يا احمد

احمد : يلا ايه وزفت ايه ...هو احنا رايحين نتفسح

وطلعوا يا عيني هما الاتنين ولسوء حظ احمد انه برضه محضرش المحاضرة دي كمان

احمد : انا مروح يا نور

نور : لأ خليك اعد معايا شوية

احمد : لأ يا نور انا مروح

نور : انا عايزة اتكلم معاك

احمد : بكرا ان شاء الله نتكلم كتير...ماهو كده كده مش هحضر بكرا برضه

نور : انت بتحب الماحضرات ليه يا احمد

احمد : انا جاي مصر عشان اتعلم يا نور مش عشان اتنزه

نور : انا عارفة انك شاب مش فاضي من جواك

احمد : ربنا يخليكي يا نور

نور : اي نعم انت مش مهتم بمظرك...ومش بتسرح شعرك حلو...بس حاسة انك وسيم اووي

احمد : ماتجولي معفن احسن يا ست نور

نور : انا مش اقصد خالص

احمد : ولا تقصدي...انا جيت مصر غلط من اساسه دي مش بيئتي ولا دي حياتي

نور : انا اسفة

احمد : انا اللي اسف ....عن اذنك

وبعد ما احمد مشي نور مشيت هي كمان وكانت زعلانة جدا من كلامها معاه ولو انها مكنتش تقصد بس احمد حساس حبتين

نور حاولت تتصل باحمد عن طريق جارته

نور : الو ممكن اكلم احمد جار حضرتك

الجارة : احمد مين يا انسة

نور : احمد جارك

الجارة : اااه تقصدي حمادة ميدو مودي

نور : انتي مسمياه كده

الجارة : هو بيحبني اووي اقوله كده

نور : طيب كويس ممكن تناديه

الجارة : احمد احمد احمد احمد

احمد احمد احمد احمد

احمد : سلام قولا من رب رحيم..اختشي يا ولية على دمك بجى في حد يخبط على حد الساعة عشرة بالليل

الجارة : يووه ايه يا ميدو ..انا خضيتك ولا ايه...طيب تعالى في حضن ماما تعالى

احمد : اخلصي يا ست عاوزة ايه مني وليه بتخبطي في وقت زي ده

تليفون عاوزك

احمد : والتليفون عاوزني في ايه

هههههههههههههههه جتك ايه يا موودي يا سكر
اقصد حد عاوزك على التليفون

احمد : ابوووووووويا جراله ايه انطجي قولي

لأ لأ ده صوت واحدة

احمد : امي امي اما مالها مالها

الجارة : ده صوت جثة

احمد : ههههههههههههههههههههههه
احمد : والجثة هتتكلم ازاي يا ام مخ تاخين

تعالى ورايا يا مووودي وانا اخليها تنطق وتتكلم

احمد : طيب يا وش المصايب

نور سمعت ضحك احمد ويا جارته دي ...وقفلت السكة

احمد : الو الو ...الو الو

احمد : هههههههههههههههههههههههههه

احمد : الجثة مش راضية تنطق...ده باين كده الجثة ماتت
هههههههههههههههههههههههههههههههههه

ونكمل الحلقه اللى جايه

من طرف Dr. Jo MaNjY الإثنين 08 ديسمبر 2008, 11:38 pm

فين الردود يا بشر لأحسن مش هكمل انتو حرين

من طرف PRINCESS OF THE MOON الثلاثاء 09 ديسمبر 2008, 12:14 am

لالا كمل احنا متابعين المسلسل بس والله ما تطولش
احسن احنا بنستني الحلجات

من طرف sandrilla الثلاثاء 09 ديسمبر 2008, 11:52 am

والله الولية جارتة دي شكلها مخها تاخين وهتبوز الليله كلاتها
ههههههههههههه
يلا عايزين الباجي بسرعة
ههههههههههههههه

من طرف Dr. Jo MaNjY الأربعاء 10 ديسمبر 2008, 11:22 am

وبعد ما نور كلمت احمد في التليفون...وكانت زعلانة جدا لما سمعت صوت جارته...واحمد مكنش داري بالدنيا ساعتها ...من ساعتها احمد ابتدى يروح الكلية وكان متخاصم مع نور بعد كلمتها الجارحة ليه...انه مش استايل وشعره دايما منعكش....ابتدا ينتظم شوية في الدراسة لحد ما جت الامتحانات وده كان اخر يوم في الامتحانات

احمد بيكلم واحد صاحبه عن الامتحان

احمد : امتحان ممتاااااااز سهل ميا
صاحبه : حرام عليك..ده انا مكتبتش حرف
احمد : ليه جلمك اتجصف ولا ايه
صاحبه : لأ يابني الامتحان مليان
احمد : بوي ..مليان ايه انت هتجنني
صاحبه : في ايه دلوقتي
احمد : انت طلعت اول مسألة كام
صاحبه: محلتهاش
احمد : والتانية
صاحبه : 100
احمد : حمار
احمد : طب والتالتة
صاحبه : 2000
احمد : حمار
صاحبه : يوووه
احمد : طب والرابعة
صاحبه : محلتهاش
احمد : يا حمار هما تلاتة بس
صاحبه : انت اعد ولا هتسافر البلد
احمد : لأ هسافر انا مش ليا حد هنا

ولسة بيدور وشه....قرب عليه الملاك نور...وبصوت رقيق

نور : يارب تكون حليت كويس
احمد : ايوة الامتحان كان ممتاز
نور : لسة زعلان مني
احمد : وهزعل منك ليه...احنا بيننا ايه
نور : مفيش عادي بسألك ..انت ليه دايما عصبي
احمد : على فكرة انا لو مجبتش امتياز هيكون بسببك
نور : ليه بس...انا السبب
احمد : فاكرة الكام محاضرة اللي اتطردت فيهم بسببك
نور : هههههههههههههههههههههه
احمد : هههههههههههههههههههههههههههه
نور : وحياة اغلى ما عندك مش تزعل مني
احمد : طمنيني عملتي ايه في الامتحان
نور : بليز يا احمد متزعلش مني اسفة بجد
احمد :وحشتيني
نور : انا ؟
احمد: وحشتيني يا امي
نور : هههههههههههههههههههههههه
احمد :مالك اتخضيتي لما قلت وحشتيني
نور : وانا هتخض ليه
احمد : اسألي نفسك
نور : هه ظريف
احمد : امسكي نفسك شوية يا بت
نور : هههه خفيف
احمد : مش ملاحظة حاجة عليا
نور: لأ بس شايفاك مبسوط عن قبل كده الحمد لله
احمد : لأ لأ حاجة في شكلي
نور : الراجل مش بشكله
احمد : اااااااه والله....بعد ايه ...مش كان شعري عفش ومعيتسرحش
نور : انا مكنتش اقصد ...كنت بهزر معاك
احمد : اااااااااااااه بعد ايه بقى بعد ما جبت علبة كريم بامبرز ب 25 جنيه
نور : ههههههههههههههههههههههههه اسمه بالمرز
احمد : ايوة امسكي في التفاهات دي...يعني شعري وحش
نور : جميل
احمد : بجد
نور : جميل راتب ده ممثل ممتاز
احمد : ااه يا رخمة
نور : هههههههههههههههههههههههههه
احمد : انا هسافر اسبوعين وجاي تاني
نور : ليه كده خليك هنا
احمد : هستنى ليه
نور : نروح شرم الشيخ مع الجامعة
احمد : رحتها كتير كفر الشيخ
نور : شرم شرم
احمد : بتاعت البنات البلبوسة
نور : عيببببب
احمد : في ايه هو انا اللي بلبستهم
نور : خلاص بقى رد عليا عشان نروح ..اتصل بيا
احمد : ان شاء الله
نور : اوكي اشوفك على خير
احمد : كنت عايز اقولك حاجة مهمة اوووي من زمان
نور: ايه هي يا احمد قول قول
احمد : مش مسامحك على المحاضرتين اللي محضرتهمش بسببك
نور : مع السلامة يا احمد
احمد : سلام يا نور

وهو مروح بقى......عليا الطلاج لهرووووح الرحلة ....عاوزين نغير دو بجى

يارب تكون عجبتكوااا

من طرف dr_amoul الأربعاء 10 ديسمبر 2008, 6:20 pm

حلوه كمل عايزين نعرف هيسمحها علي المحاضرتين والا لا ههههههههههههههههههه

من طرف koky_2008 الأربعاء 10 ديسمبر 2008, 11:41 pm

جامدة فين التكمله

من طرف Merooo الأربعاء 10 ديسمبر 2008, 11:54 pm

شكرا ليك
جميله جدا
بس ياريت تكمل بسرعه

من طرف Dr. Jo MaNjY الخميس 11 ديسمبر 2008, 9:43 pm

الحلقة الثامنه

وبعد ما احمد خلص امتحانات هو ونور وقرر انه يطلع الرحلة وكان ميعاد الرحلة اتحدد

نور : هو احمد اتأخر كده ليه
ريم : انتي مالك مش على بعضك ليه
نور : وانتي مالك
ريم : مش عارفة مهتمة بواحد زي ده ازاي
نور : ملكيش دعوة بقى
ريم : صحيح عملتي ايه في العريس اللي اتقدملك
نور : رفضته طبعا..انا لسة مش عاوزة ارتبط دلوقتي

ولسة الاتوبيس هيتحرك كان احمد وصل ونور تنفست الصعداء

احمد : ايه يا دماعة انتوا كتوا مستنيين حادة ولا اييه
ريم : ابدا كننا مستنيين القطر
احمد : هو احنا عنسافر في الاتوبيس ولا الجطر
ريم : يااااربي
نور : ههههههههههههههههههههههههه جامدة دي يا احمد
احمد :اي خدمة يا نور ابقي تعالي كل يوم
نور : اجي فين
احمد : لا لا متاخديش في بالك

والكل ركب الاتوبيس وفجأة احمد بيطلع من شنطته طبلة كبيرة
وشغال ضرب عليها لحد ما وجع دماغ الناس كلها والكل زهق منه

احمد : ايه يا رحلة فقر مالكم ساكتين ليه محدش بيرجص ليه هطبل وهرجص في نفس الوقت ولا ايه
نور : ابدا يا احمد بس الطبلة صوتها عالي اووووي
احمد : مانا عارف ان صوتها عالي...مكنتش اعرف انها هتضايقكوا اكده
نور : عامة انا مش مضايقة انا مبسوطة بيها

وفجأة احمد بيطلع من شنطته زمارة كبيرة بتاعة الفرق الشعبية
وفضل يوجع دماغ الشباب كلهم بأصوات الالات الموسيقية الغبية دي
وفضل على هذا الحال لحد ما وصلوا

احمد : يا بووووي يا ددعان المنطجة اهنه دامدة جوي جوي
نور : انت اول مرة تيجي هنا
احمد : لأ جيت جبل اكده ايام الحرب
نور : حرب ايه يا احمد ..هو انت حضرت حروب
احمد : هو احنا هنروح امتى يا نور
نور : يعني لسة اسبوع...انت زهقت ولا ايه
احمد : لا لا خالص بس انا مجبتش وكل كفاية
نور : احمد اكل ايه بس هنا الاكل اوبين بوفيه
احمد : يعني ايه
نور : يعني تاكل اللي انت عايزه
احمد : يالهوي ياني يا ددعااااان
نور : انا هطلع اغير بقى
احمد : اوعي تجولي هتلبسي لباس البحر
نور : هههههههههههههههههه ايه يا احمد ده بس
احمد : صدجيني معرفكيش تاني
نور : انت هتنزل البسين بأيه ...معاك ماييوه
احمد : لأ انا ابويا جايبلي ترنك من السعودية عنزل بيه
نور : مينفعش يا احمد
احمد : بجولك من السعودية ..دامد ددا
نور :طيب يلا نفطر بقى عشان جعانة
احمد : انتي على طول جعانه اكده
نور : ههههههههههههههههه انا بحب الاكل اوي
احمد : انا اخر حاجة افكر فيها الوكل
نور : يعني مش هتفطر
احمد : في مش وخيار وعيش بلدي

نور كانت عاوزة تقوله ده عند ماما الكلام ده

احمد : كل ده وكل يا نااااااااااس ...عيخلص امتى ده بس
نور : كل على اد ما تقدر يا احمد
احمد : عليا الطلاج انا عاكل وكل لحد ما افرجع اكده
نور :انا طالعة اغير ونازلة
احمد : تغيري ايه بس يا شيخة بصي على نفسك في المراية وشوفي الولية الدااامدة دي
يابووووووووووووووي انا لازم اروح اتعرف عليها دي لابسة مايوه جامد

هههههههههه
اشطه يا احمد يابن الحاج هريدي

يوميات صعيدى بيحب بنت ستايل Clapping

يلا يا جماعه انا مش شايف ردود

مش عاجباكوا الحلقات ولا ايه

من طرف sosty_honeygirl الجمعة 12 ديسمبر 2008, 4:37 pm

كمل يادكتور متابعين والله
يلا مستنيين الحلقة
يوميات صعيدى بيحب بنت ستايل Icon_biggrin

من طرف ma7moud amer الجمعة 12 ديسمبر 2008, 6:10 pm

كمل ياهيما اا مستنى الحلقات سى يو

من طرف Dr. Jo MaNjY الجمعة 12 ديسمبر 2008, 11:22 pm

الحلقه التاسعه

أحمد شاف الوليه ام كلسون اتجنن عليها راح رايح وراها

واختفى من قدام نور فى ثوانى

أحمد: ايه يا وليه الكلسون الدامد ده وايه الشياكه دى كلها

الوليه: ايه الاشكال البيئة دى

أحمد: بيجة ؟ طب والله انتى اللى بيجة ومعفنة كمان وريحتك منتنه وشكلك من اللى بيستحموا من العيد للعيد

الوليه: تصدق بقى لو مسكتش انا هندهلك اللى يعرفك شغلك كويس

أحمد: ههههههه هتندهى مين يعنى بالكلسون اللى انتى لابساه ده

الوليه: لا دا انت قليل الادب ومش متربى وعايز اللى يربيك .. وبعدين ايه كلسون دى وفين هو اصلا؟

أحمد:اه جولى كده بقى ان انتى من الاول عايزة تعرفى معناها وعماله تتوهى فى مواضيييييع تانيه اه يا لجيمه

الوليه:يا تااااااااامر يا أدهاااااااااااااااام

أحمد: يطاعوا مين ان شاء الله سى تامر وسى ادهم دوووول ولادك العفاريت الصوغنانين ولا الكلاب البلوكسر بتوعك

الولية: بلوكسر ههههههههههههههههههههههه

أحمد: بتضحكى على ايه يا وليه دلوجيت

الولية: ( ولية ) انا هعرفك دلوقتى على قلة ادبك والسفاله اللى انت فيها دى

أحمد: طب والله انتى بوج على الفاضى

.. بسم الله ماشاء الله على تامر وادهم وهما رايحين لمامتهم كل واحد فيهم عامل زى السوبر جيت ..

تامروادهم: ايوااااااا يا ماما كنتى بتندهى علينا

الولية: ايوه ياحبايبى الكلب ده كان عمال يقل ادبو معايا وقال عليكوا انكوا عفاريت صوغنانين وكلاب بلوكسر

تامروادهم: انت قولت كده علينا يااااااااااااه

أحمد: عليا الطلاج ما حصل الكلام ده يا عم البلدوزر انت وهو كل اللى حصل انى كنت بجولها الساعة كام يا هانم

مامة نامر وادهم بتوجه الكلام لأحمد بس بحنيه زى ما انتوا عارفين

الولية: هانم اه يا كداب دى عمرها ما طلعت من بؤك خالص ليا يا عديم النظر

وكمان يا حبايبى كل شوية يقولى يا ولية

تامروادهم: احنا ماما يتقالها يا ولية دا انت هتموت النهارده

أحمد: يا رداله استنوا بس كده واهدوا طب انا هجول ايه اللى حصل

تامروادهم: واحنا هنستناك لما تحكيلنا ايه اللى حصل يا عم الكتكوت وبعدين ايه برطمان الكاتشب اللى انت واقع فى ده

حد يلبس بنطلون احمر

أحمد: لو سمحت يا أخ متقولش كتكوت دى وبعدين انت عندك عمى الوان ولا ايه

تامروادهم: انت كمان بترد على اخويا دا احنا هنعملك شمسية

أحمد : يااااااه عليكوا هو الواحد ميعرفش يهزر معاكوا كده اااابدآآآآ

نور: أحماااااااااااااااااد

أحمد: ايوم يا نور انا هنا واقف مع ناس صحابى

تامروادهم: صاحبك مين دول ياااااه دااحنا هنفرمك دلوقتى

أحمد: لأ والنبى يا كابتن اصلها الموزة بتاعتى ومش عايزها تشوفنى وانا بتفرم

نور: ايه يا احمد انت اختفيت مرة واحدة كده ليه وجريت ورا الست اللى كنت بتقول عليها وليه هههههههه

وعملت ايه معاها بقى يا سيدى فى الاخر ... بس انا زعلانه علشان تسيبنى وتقوم تجرى وراها كده

أحمد: طب بجولك ايه دلوجتى اجرى انزلى البحر شوية وانا هحصلك

نور: لأ انت بجد عملت معاها ايه ومش تعرفنا على صحابك . انما انت مقولتليش انك ليك صحاب هنا

أحمد : ما اصل انا لسه متعرف عليهم دلوجتى

... ام تامر وادهم كانت بتجيب حاجه ورجعت لهم تانى

نور : الحق يا احمد الست ام كلسون اللى كنت بتقول عليهها جايه هناك اهيه

أحمد: يا بت اجفلى خشمك ده بدل ما اقطعلك لسانك

نور : هههههههههههههههههههههههههههههههههه

وهنشوووووف ايه اللى حصل الحلقة الجايه لما ام تامر وادهم راحت لهم

الدنيااااااا هتووووووولع خالص

أشوووووووفكم الحلقة الجاية على خير ان شاء الله

من طرف Merooo السبت 13 ديسمبر 2008, 12:15 am

حلوه اوي
بس احمد ده طلع حكااااااااااااااااااايه

من طرف sosty_honeygirl السبت 13 ديسمبر 2008, 12:34 am

شكله هياخد علجه تمام Very Happy

القصة احلوت اوي بجد

من طرف koky_2008 الخميس 18 ديسمبر 2008, 1:39 am

هههههههههههههههههههههه جامدة اوىىىىىىىىىىىىى

من طرف PRINCESS OF THE MOON الجمعة 26 ديسمبر 2008, 1:03 pm

الله هو الحلجات اتاخرت ليه
يزهر احمد اخد علجه تمام زبطته ومفدرش يكمل المسلسل
خير خير ممكن نجيب بطل تاني
اقولكو ............
هاتو اسماعيل ياسين

من طرف Dr. Jo MaNjY الجمعة 26 ديسمبر 2008, 5:01 pm

الحلقة العاشرة
---------------
بعد ما مامه تامر وادهم جتلهم

الولية: ها يا حبايبى عملتوا ايه مع الكلب ده

نور: كلب ... انتى قصدك على مين يا هانم

الولية: قصدى على السافل قليل الادب اللى واقف جنبك ده

أحمد: لالالا انتى كده عديتى حدودك يا جمورة وانا مش هجدر امسك نفسى بعد كده

تامروادهم: انت بتكلم مين كده ياااااااااه

أحمد: بكلم صاحبتى يا عم الحد انت وهو

تامروادهم:ااااااه افتكرنا حاجه تانيه

أحمد جه جنب تامروادهم بصوت واطى والنبى يا كابتن انت وهو متخلوش شكلى وحش جدام الموزة بتاعتى

تامروادهم: هههههههههههههه وانت عندك موزة يا بأف

أحمد: لالالا انتوا زودتوها على الاخر انت واخوك يا عم الجمور

تامروادهم: نعم يا كوتوموتو

أحمد: بص برده تانى بتربط الهزار بالجد ياددع انا بمزح معاااااك

تامروادهم: ما علينا انجز وودع الموزة بتاعتك علشان انت هتموت دلوقتى

أحمد: لأ والنبى يا كابتن بلااااااش وانا لابس الترننج اللى ابويا الحد جايبهولى من السعودية

تامروادهم: ااااااانجز ..... طب لما انت مش اد المعاكسه والكلام ده بتعاكس ليييييييه

نور: أحمد انا مش فاهمه حاجه !!!

أحمد : استنى يا نور ... معندناش حريم تفتح خشنها والرداله بيتكلموا

نور: يا أحمد دول بيقولوا هيضربوك وكلام غريب كده

أحمد : يا سيتى دول بيهزرووووا معايا

تامروادهم: لأ مبنهزرش .....

الوليه: علشان لازم قلالات الادب اللى زيك يتربوا كويس ويعرفوا شغلهم

أحمد بيقرب من أم تامروادهم وبيقولها

أحمد : معلش يا هانم ..متزعليش يا جمر انتى وبعدين انتى احلويتى عن جول مرة شوفتك فيها كده ليه

الوليه: خلاص يا ولاد سماح المرة دى طلع مؤدب

وبتروح مقربه من احمد وموشوشاه فى ودنه

الوليه: هستناك بكره على البيتش الساعة 10 الصبح اوعا متجيش

احمد: قشطه يا موزة من 8 الصبح هكون متلجح على البيشت

الوليه: يلا يا اولاااااااد

أحمد : سلام يا رداله بس اوعوا تنسوا

نور : احمد انا مش فاهمه حاجه خالص وبعدين تعالا هنا كانت بتقولك ايه الست دى

أحمد: لالالا يا نور مفيش حاده

نور: خلاص اوك يا احمد براحتك .... شكرآ

أحمد : وه وه وه ... الجمر بتاعى انا يزعلى منى ازااااى بس
نور : ابعد بقى بعيد عنى انا زعلانه منك

أحمد : طب والله ارمى نفسى فى البحر واغرق نفسى كمان علشان ترتاحى

نور : لأ لأ يا احمد اوعا تعمل كده

أحمد : كنت عارف يا جمر انك هتجولى كده وهتخافى عليا كماااان

نور: أنااااااا ؟

أحمد : لأ الولييييه ههههههههههههههه

نور: ماشى ماشى براحتك

انا جعااااااان جوى جوى

وهما رايحين البوفيه اللى على البلاج احمد قابل واحد صاحبه من الرحله معاهم

وكان متابع الحوار من الاول بتاع الوليه ام كلسون لحد الاخر

صاحبه : ايه يا رمبببو عملت ايه مع الكباتن اللى كانوا عاملين زى البلدوزر اللى كانوا عايزين يفرمووك ههههههههههه

أحمد :ازيك ياض عامل ايه وفينك كده

صاحبه : انت اطرش ولا ايه يا عم بقولك عملت ايه مع الاشباح اللى كانت عايزة تاكلك دى

أحمد: لالالا ياعم انا بطلت افلام رعب من زماااااااان ياعم الحد

صاحبه: ااااااه هى نور متعرفش اللى انت عملته واللى كان هيحصلك ولا ايه

نور بتبص لأحمد بصه استغراب

أحمد: طب تعالى يا نور نجيب حاده ونيجى على طوووول

نور: احمد لو سمحت فهمنى ايه اللى حصل انت مبتخبيش عليا حاجه

احمد فى سره

الله يخرب بيتك دا انا مصدقت انها نسيت الموضوع

أحمد: يا سيتى كل اللى حصل ان انا بعد لما عاكست الوليه راحت مناديالى ولادها الاتنين اللى عاملين زى

الباب اللى كانوا واقفين دول

نور: وبعدين....

أحمد: بس يا سيتى كانوا عايزين يعرفوا انا عملت كده ليه زى ما انتى شوفتى كده

بس انا جولتلهم اللى هيجرب منى عليا الطلاج لأتصل بابويا الحد هريدى فى البلد واخليه

يجى يجتلكم

نور: يا احمد دا انت عقباال ما ابوك الحج يكون وصل عندنا هنا هيكونوا عملوك زى الكوتش

أحمد : (( كوتش )) ... شكرا يا ست نور انا غلطان انى حكيتلك

نور: يا أحمد يا أحمد تعالا بس اقولك انا كنت بهزر معاك والله ... انت قماص اوووى

أحمد : لا انا جعان هروح اكل وانام علشان ورايا بكره راندفو

تانى يوم والساعه بقت 7 الصبح

أحمد: وه وه وه ... يابوووووى الوليه كده هتروح ومش هتلاجينى على البيشت

أحمد كان على البيتش الساعه 8 بالظبط زى ماقالها

وفجأة تيجى الساعه 9,30 واحمد يلاقى مين اللى جاااااايله

على البحر وهو قاااااعد ..............
ونكمل الحلقه الجايه
بااااااااااااااااى

من طرف ملكه الاحساس الجمعة 26 ديسمبر 2008, 5:48 pm

والله جميله يا دكتور واسلوب الحوار كمان حلو انت كان نفسك في كتابه سيناريوهات ولا ايه ا
نا قريتها كلها وفكرتني بصعيدي في الجامعه الامريكيه ومحمد هنيدي والحركات دي
مستنين الباقي

من طرف marmer الأحد 28 ديسمبر 2008, 8:07 pm

رااااااااااااااااااااااااااااااااااااااااااااااااااااائع جدا
وياللا فين بقيت الحلقات
علي فكرة انا كنت هموت من الضحك
تحفه بجد
بس بلاش لغة التهديد
وبعدين انت حر تكمل ماتكملش
انت اللي هتخسر كل اللي بأ يقرا القصة بتاعتك
بص بصراحة
كمل بقي

من طرف PRINCESS OF THE MOON الإثنين 29 ديسمبر 2008, 12:41 am

اقول اقول اقول
اكيد اللي جاي عليه هي نووووووووووووور
وموش هيعرف يزبط الوليه
ده راجل منحوس
كمل بقي الحلجات ومتتاخرش وبلاش نظام الاثاره والتشويق والكلام ده

من طرف Dr. Jo MaNjY الإثنين 29 ديسمبر 2008, 1:34 am

الحاجه الحاديه عشر

أحمد وهو قاعد على البلاج مستنى ام ادهم وتامر

ميييييييين اللى طب عليييييييه ..........

الوليه: ايه يا ميدو إتأخرت عليك

أحمد : لالا خالص وحتى لو إتجخرت يا جمر

الوليه : لا دا أنت شكلك شقى خالص

أحمد: لا دانا اعجبك جوى جوى

الوليه: طيب هنشوف كل حاجه

وهما قاعدين ميين اللى طب عليهم .............

الجميله نور

ايه انتوا افتكرتوا مين مش كفايه كان هيتاكل علقه امبارح

من غير نفس بقى ونور بتتكلم

نور: ازيك يا احمد انت هنا من بدرى ولا ايه ؟

أحمد : اه قولت اشم هوا ناضيف على الصبح كده

نور: طب تعالا معايا يا احمد لو سمحت انا عايزاك

أحمد : حاضر يا نور 5 دجايج وهكون عندك بس اسبجينى انتى

نور : لأ يا احمد لو سمحت انا عايزاك دلوقتى ممكن

أحمد علشان خاطر ميزعلش نور وعلشان هو ميقدرش على زعلها

راح قايم وراحلها على طول

نور: ايه يا احمد اللى بينك وبين الست دى ممكن اعرف ؟

أحمد : مفيش حاجه يا نور صدجينى

نور : انت يا احمد متعودش تكدب عليا كده

أحمد : وانا والله يا نور معرفش الوليه ام كلسون دى عايزة منى ايه

نور بصراحه انا فى حاجه عايز اجولهالك من زمان وكاتمها فى جلبى

من زمان جوى جوى انا يا نور .............

الوليه: ايه واقفين بتقولوا ايه يا أمامييييييير .. تعالا يا ميدو انا عاوزاك فى حاجه

وراحه شدااااااه من ايده

نور : ميدو !!!!!!!!!!!

نور : يا احمد تعالا انا عاوزاك

واحمد واقف مش عارف يعمل ايه وراحه شداااه تانى وخادتو ومشيواااااا بعيد عن نور وهو مش عارف يعمل ايه...

المهم نور كانت هتتجن ومش عارفه تعمل ايه

وبعد ما رجع احمد

احمد : يا ساتر يا رب على الوليه دى اعوذ بالله

نور : ايه يا احمد كنت فين انا كنت قلقانه عليك قوى وزعلت منك اوى برده علشان مشيت وسبتنى مع الست دى

أحمد : دى وليه مجنونه

نور: ليه كانت عاوزة ايه

احمد: كانت بتطلب حاجات غريبه كده وكل شويه تجولى انت صعيدى اى كلام ولا صعيدى جامد .. والحمد لله ان ربنا نجانى منها

نور: لا والنبى وبعدين ؟؟؟؟!!!!!!!

أحمد : مكونتش اعرف انها كده انا كنت فاكرها عايزة خدمه منى اجدمهلها ولا حاجه طلعت غير كده خالص

نور: طب على العموم يا احمد انا مش عايزاك تقف معاها تانى ولا تروح معاها تانى

أحمد: طلباتك جوامر يا جمر انت والنبى انت جمر واللى يجول غير كده يبجا دموسة وابن دموسه

نور: ههههههههههههههههه

نور: ياااه يا احمد خلاص فاضل 3 ايام والرحله تخلص ونرجع للترم التانى

أحمد : بس انا عايز اجضى ال3 جيام دول وانا معاك يا جمر وعايز اعوضك عن كل اللى فااااااات

نور: بمناسبه ايه يا احمد بتقول الكلام ده وبعدين انت مين سمحلك تقولى كده وبناء على ايه بتقوله اساسا

أحمد وشه اتقلب وجاااااب 100 لون وقبل ما يرد عليها.......

نور : هههههههههههههههههههه

نور ايه مالك انت عملت كده ليه وانا كنت بهزر معاك على فكرة

ههههههههههه

أحمد : اووووووف وه يابووووووى خضتينى يا شيخه انا قولت ايه اللى حصل .انا عمرى ما حد حرجنى كده خالص

نور: لالا متخافش كنت بهزر هههههههههه

أحمد : يااااااااه على هزارك اللى عامل زى هزار الراجل بتاع جلد الخرفان اللى بيعدى علينا كل عيد فى البلد

نور: جلد الخرفااااان

ههههههههههههههه

أحمد : يا بت بهزر معاكى دا انتى دمك زى السكر

أحمد : المهم بس دلوجتى انا لازم اتصل بأبويا الحج فى البلد واطنمه عليا يا نور احسن يكوووون جلجان عليا ولا حاجه وبعدين هو جالى قبل ما تنزل الترعه (( البسين )) اللى انت رايحها ابقا كلمنى وانا نسيت خالص

نور : ترعه هههههه المهم يا احمد

خد موبيلى وكلمه

أحمد : لا يا نور اصل المكالمه ممكن تكون غاليه شويه

نور: يا احمد ولا يهمك الرصيد كله تحت امرك

أحمد : لا يا نور دا كتير والله ربنا يخليكى ليا يارب بس معلش ولو فيها رخامه انتى معاكى اد ايه رصيد ؟ ههههههههههه

بهزر معاكى طبعا

نور: خد بقى وبطل رخامه وكلم الحج هريدى وسلملى عيه جوى جوى جوى ههههههههه

احمد : ههههههه ماشى يا سيتى بس بشرط هبقا اديكى دقيقه تتكلمى من عندى لما اجيب موبيل

نور: ااااه صح يا احمد انت لازم تجيب موبيل علشان ابقا اتصل بيك عليه بدل ما جارتك الجميله اللى بترد عليا كل مرة دى

احمد : ههههههههه لالا ما انا جولت لابويا الحج هريدى وقريب هيبعتلى الموبيل اللى بيجولوا عليه ده الموتوريله سن الفيل

نور: ههههههههههههههه

أحمد : ايه مش عاجبك ولا ايه يا بت انتى

نور : لالالا تمام

أحمد : طب هاتى الموبيل ولا انتى بتهربى من الجيجه ولا ايه

نور: ههههه ايه اللى انت بتقوله ده امسك وسلملى عليه اوى يا احمد

stooop

انتظروا مكالمة احمد مع الحد هررررريدي ف الحلجه الجادمه

من طرف koky_2008 الإثنين 29 ديسمبر 2008, 2:59 pm

جامدة و مستنيه المكالمة

من طرف بوتى2020 الإثنين 29 ديسمبر 2008, 10:34 pm

اول مرة اقرئها بس بجد جااااااااااااااااامد نااااااااااااااااااار
ان شاء الله اتابع

من طرف Dr. Jo MaNjY الأربعاء 07 يناير 2009, 5:37 pm

الحلقه الثانيه عشر

مكالمه احمد وابوه الحج هريدى

[/size]أحمد : ازيك يابا وازى امى واخواتى والبلد كلتها

وبعدين بينه وبين نفسه (( اللهى تولعوا كلوكوا ))

الحدهريدى: ازيك يا ولدى عامل ايه وايه اخبارك مش ناوى ترجع ولا ايه يا ولدى دى البلد كلتها مستنظراااااك

أحمد: اه طبعا يابا ناوى دى البلد وحشانى جوى جوى جوى

وبعدين بينه وبين نفسه (( اللهى ارجع الاجيها مولعه باللى فيها ))

الحدهريدى : والعمده احمد بيسلم عليك وعايز يكلمك علشان عايز ينزل مصر وعايز يشوفك علشان تروحوا مع بعض تزورو الأوليه وبالمرة يشتريلوا بهيمتين بدل اللى ماتوا

أحمد : ماتوا من ايه يابا هو انت لسه شغال فى الزريبه عنده ولا ايه يابا

الحدهريدى: ومالها يا ولدى شغلانه الزريبه دا انا دلوجتى اترجيت وبجيت مشرف على البهايم كلتها

أحمد : طب الحمد لله يابا

الحدهريدى: طب خد يا ولدى امك عايزة تكلمك

أحمد : يابا والنبى بسرعه علشان انا بتكلم من المحمول ومش بتاعى يابااااا

وبعدين بينه وبين نفسه (( يالهوووى يابا عليك وعلى سنينك السوده ))

أم أحمد : ازيك يا ولدى عامل ايه

أحمد : ازيك يامااااا عامله ايه

أم أحمد : ليك عندى يا ولدى خبر حلو جوى جوى هيعجبك

أحمد : جولى ياما جولى ما ما انا عارف اخبارك

وبعدين بينه وبين نفسه (( اخبارك السوده دى))

أم أحمد : جايبالك عروسه انما ايه زى الجمر يا ولدى

أحمد : عروسه !!!! مين دى ياما ؟؟؟

أمه : نفيسه بنت عمك ابو همام

أحمد : نفيسه !!!!! اللى كانت بتجرى ورا عربيه الرش بتاعه النموس واللى كانت بتزل الترعه

ياما دى كانت ........ ياما دى جربانه ياما

أمه : دى دلوجتى بجت عروسه وإحلوت يا ولدى

أحمد : ربنا يسهل يامااا .. بس انا دلوجتى مبفكرش غير فى دراستى

أحمد : خلاص خلاص ياما سلام دلوجتى علشان الرصيد اللى فى المحمول ميخلصش

أمه : ايه ده يا ولدى انت جيبت محلول

أحمد : وبعدين بينه وبين نفسه (( سلام بجا ياما دا انتى رغايه جوى وراح قافل فى وشها ))

نور: ايه يا احمد سلمتلى على الحج هريدى

أحمد : اه طبعا طبعا يا نور

أحمد: ياااااه يا نور لو شفتى بلدنااااااا حته من شرم كده

نور : نفسى اروح معاك يا احمد مرة واشوفها واشوف الحج هريدى ومامتك وكل اخواتك

أحمد : بينه وبين نفسه ((متشوفيش وحش))

أحمد : اااه يا نور نفسى تشوفى ابويا العمده وهو قاعد فى الزريبه أخ قصدى وهو بيبص على الناس اللى شغاله فى الزريبه

أحمد : وأد ايه يا نور ابويا مهتم بنظافه الزريبه أخ قصدى البلد كلتها

نور: هو بباك عمده طب احكيلى عن اخواتك يا احمد

أحمد : عندى يا ستى أخين وأخت

نور: واسمهم ايه يا احمد

أحمد : عواد وعبعال والبنت اسمها صابحه

نور: وسنهم اد ايه؟؟

أحمد : عواد ده حرامى أد الدنيا

نور: حرااااامى !!!!!!!!!!

أحمد : لأ يا شيخه بهزر معاكى

دا عواد عنده خمستااااشر سنه ولسه فى ابتدائى اصل بيحب الدراسه جوى تصورى !!!

نور : وعبعال ؟؟؟؟

أحمد : عبعااااااال يا عينى على عبعال ... عبعال ده تديله من فوق اكل يديكى من تحت حاجات تانيه

نور: هههههههههههههههههههههههههه

أحمد : لا دا عبعال فظيع تصورى عبعال فى مرة كنا بنتعشا فا أمى كانت عاملالنا بيض ومش وكان فى المش دود وكان عبعال بجاله يومين مكالش لحمه راح واكل الدود وساااب المش !!

نور: يوميين مكاالش لحمه !!!! ههههههههههههههههه

أحمد : لأ وايه وبعد ما أكل الدود والبيض دخل الحمام

فضلت يا نور البلد كلتها 7 أيام تعانى من سد فظييييع فى المجارى

نور: هههههههههههههههههههههههه يع يع

أحمد : مقولكيش بجا على صابحه

نور: لألأ كفااااااايه لحد كده

أحمد : لا كله إلا صابحه .. صابحه وهى صابحه.....

وفجأة واحمد بيتكلم مع نور راح طابب عليه واحد بلدياته من البلد واحمد بقى مرعوب ليشوفوا ويجى يسلم عليه ويفضحه قدام نور

وفعلا ده اللى حصل وبلدياته شافه وراح رايحله علطوووووووووووول

أحمد وشه جااااااب 100 لووووون وخااااااف ليتفضح قدام نور وتعرف ان ابوه ولا عمده ولا حاجه

ورااااااااح دااااخل بلديتناااااا على احمد ..........[size=16]

من طرف marmer السبت 10 يناير 2009, 8:45 pm

وبعدين
ايه يا دكتور
مش هتكمل ولا ايه
يلا بسرعة
ولا نستني بعد الامتحانات؟؟؟؟؟؟؟؟؟؟؟

من طرف koky_2008 الجمعة 30 يناير 2009, 10:42 pm

هههههههههههه ديه اخرة الكدب فين الباقى بقى

7elwa moooooot wfkra gamda ta7nana awl mara ashofha wyareet tekamel ya doctor