شعر صعيدي...

ايه اللي بتقولوه ده اسمع يا عم خضري ده شعر صعيدي يعني من عند العظماء يعني من عند ابو جلمبو يعني من عند البركه والجبنه الحدقه وركزعل الحدقه يعني اديها سلام
*****************************

ايوه بغير
لاأنا خرفان ولا جهلان
ولا زايغ من عينى الضى
ولا حد أحسن منى فى شى
بس بغير
واللى قالولى غيره الراجل
قله شقى وقله فهم
دول خلق حمير
غيره الراجل
نار فى مراجل
نار بتنور ولاتحرقش
واحنا صعايده منستحملش
طبعنا حامى ودمنا حامى وشمسنا حاميه
واللى تخلى صعيدى يحبها
يبقى ياغلبها
اصلنا ناس على قد الطيبه
كلنا هيبه
والنسوان فى بلدنا جواهر
طب لو عندك حبه ماس
هتخليها مداس للناس
ولاه هتقفل اوده عليها
بميت ترباس
يمكن حتى تأجرى ليها جوز حراس
يبقى لاأنا غفلان ولا جهلان
كل الفرق ما بينى وبينك انى صعيدى
يلعن أبو دا اليوم الأكحل
اللى لا له آخر ولا أول
اللى طلعت لقيتنى صعيدى
لو كان بيدى كنت أعملك هندى بريش
واعمل شعرى كنيش كرانييش
والبسلك سلسله متدلدله
بخرزه وقلب
بس ازاى البسلك سلسله
هو أنا كلب
ماشى صداقه
ماشى زماله
بس ماجتش على رجاله
ماهى نسوان الدنيا كتير
وأنا مابقولش تسكنى دير
بس ياريت حبه تقدير
إنى بحبك وإنى بريدك
وإنى بغير